Ano nang burubaktot mo an?
Gari nang kamoteng binaklasan
Sa gabat nagkukuadkuad
Guruyod na an bitis mapapadad
Sa kadakulan kan burubitbit
Talinga na sana an daing sa'bit
Sanggatus na dupang kadimalasan
Maski tumamling pasibog daing pakinabang
Sige na ngani pag-olmong na
Ngani an grasya masalod mapasaimo man
Ta nata saen ka kan nagsarabwagan?
Kaining mahiwas na isip asin kagayunan
Uya pa si apo' mo igwang pabalon
Sinalop na utang buda pabotog na osipon
No comments:
Post a Comment