Hapon

kun sa pagabot kan hapon
an baroto mo dai magdoong
kadakul akong paghuhunaon
ika sana an uruosipon

...na an baroto mo nadaog
nakipaglaban sa taob
alagad dai nakayanan
inanod kan sulog

o kaya sa pamamana'
duman sa magapo nanira'
nawili sa kagayonan
nabihag kan magindara

alagad ako maghahalat
magtinik-tinik maniromsirom
uya ako sa baybayon
nasa daghan an paglaom

asin kun ika pangluyahon
dai makaya an pagtimon
an habagat na maimbong
sugua na ako kugosonSee More