dagat nin mga diyamante
sima'a na ining mga kayamanan
magpadagos kita hiruon an sagwan
puntahon an tahaw tanoson an katig
dapat ibalanse dai magtagilid
diit na oras pa pag-abot sa tahaw
toy mangalagkalag asin magsurihaw
sobrang kaogmahan panoon an daghan
gabuton an kulog ilobong sa lawod
ta kun maoyam na birikon an katig
magluwayluway na magsagwan pagilid
darang kayamanan sarong kamalig
maguli na nguna maghingalong hipid
No comments:
Post a Comment